Su ballu sardu est unu ballu sèriu fatu de gestus ki s’arrepitint, de baddadoris fierus e ki no si cànsant.

Cun su corpus deretu si pigant po manu, girant in tundu, adelantant, torrant … unu ballu ritmau in-d’unu sighi sighi de circus e figuras, unu ballu antigu e arrituali, unu arritu propitziatòriu, ma puru unu momentu de essi totus in pari, ki in is sègulus, mancai nci funt stètius cambiamentus soçalis, est lòmpiu finsas a nosu, intreu in su sinnificau suu.

A su Furriadroxu teneus sa bantaxeria de ddu proporri, no sceti po oferri unu spetàgulu folclorìstigu, ma simplementi ca si praxit a ddu biri, a ddu fai e a ddu cunpretziri cun kini dd’aprètziat.