Scrivania de is Titanus

Posted by Andrea on 20 aprile 2017

Is Titanus fiant is divinidadis chi fiant adoradas in Grècia prima de is divinidadis olìmpicas. A su chi nant is antropòlogus custas divinidadis fiant spainadas in totu su Mesuderràneu, no sceti in Grècia, e a pustis de sa sostitutzioni cun in divinidadis olìmpicas, sa mitologia at localisau su logu de orìgini de custas divinidadis a scurigadroxu, duncas in su Mesuderràneu ocidentali, aundi a centru nc’est sa Sardìnnia.

In cust’arreligioni antigas, is titanus fiant is meris de is potèntzias pranetàrias, potèntzias chi presiediant a is 7 diis de sa cida. 7 diis che a is 7 pranetas chi si bieant insaras a ogu spollincu, pranetas chi oi ddi naraus Soli, Luna, Marti, Mercùriu, Giovi, Vèneri e Sadurru. Is potèntzias pranetàrias depiant essi a primu veneradas in is arreligiònis Mesupotàmicas, e a pustis spainadas in totu su Mesuterràneu.

.

Is Titanus de sa Luxi funt is Titanus de sa prumu di’: Iperioni e Tia

Is Titanus de sa Maxia funt is Titanus de sa segundu di’: Atranti e Feba

Is Titanus de sa Crèscida funt is Titanus de sa de tres di’ Criu e Diona

Is Titanus de sa Scièntzia funt is Titanus de sa de cuàtru di’: Ceu e Meti

Is Titanus de sa Lei funt is Titanus de sa de cincu di’: Eurimedonti e Temi

Is Titanus de s’Amori funt is Titanus de sa de ses di’: Ocèanu e Teti

Is Titanus de sa Paxi funt is Titanus de sa de seti di’: Cronu e Arrea

.

 

 

 

 

 

 

 

 

Lascia un Commento

L'indirizzo email non verrà pubblicato. I campi obbligatori sono contrassegnati *

*

È possibile utilizzare questi tag ed attributi XHTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>