Mutetus de Arramiju – Versi di Remigio
Set 29th, 2008 | Di Andrea | Categoria: Stòrias - Storie Cust’istadi babu, est a nai su chi at imbentau Su Furriadroxu, si spassiada a ponni mutetus de aprètziu a s’ofelleria de is Abis.
Mi ndi pariat mali de si ddus scaresci, e insandus ddus apu arregotus e scritus. Ligei-si-ddus e gosai-si-ddus!
Mi pareva un peccato lasciarli nel dimenticatoio, per cui li ho raccolti e trascritti. Leggeteveli e godeteveli!
***
S’ofelleria de is Abis
Batit a Ramondetti
Mancai nci siant is fradis
Mi praxint is sorris sceti
***
Is pàrdulas callentis praxint a Severinu
Ascurtendi a sa genti funt de oru zekinu
***
In crèsia po is tronas
Piga sa scala e àrtzia
Is pàrdulas prus bonas
Funt de Bruna e Inniàtzia
***
S’amiga de Teresa a bidda est torrada
De is pàrdulas sa bonesa sa genti est spantada
***
In sa dom’‘e su frad’‘e Jomaria
Faint bonu su binu e s’àcua ardenti
Po ispantu ddu nat su continenti
De is drucis bonus de-i custa ofelleria
***
Sa piçoca allikidia
Fillasta de tzia Adella
Mancai siat nasça in Kia
A sa pàrdula ddi narat formaggella
***
Sa genti ‘e continenti…
No nc’est prus sa parada
Sa birra est callenti
Sa festa est spaçada
Arramiju Tzuca
***
Sergi Abis, un’orta dd’at fatu puru sa torra:
Una volta Sergio Abis gli ha fatto anche il verso di risposta:
TORRA DE SERGI ABIS
Sa staria de Arremiju
De pratz’‘e is ballus est a segus
Ma po papai a s’antiga
No nc’est logu mellus
Sergi Abis
Arremiju est su mellus…cumenti a sempri…Bellus mutetus, ki no s’inkietat calincunu si ddu furu po ddu cantai s’istadi ki ‘enit..